12 januari 2014
Christian en Sabrina Prinsepaar 2014 in Beeg!
Leef luuj,
de Gawstrèkkers van Beeg höbbe de iër uch bekènd te make dat ’t de Vors en de Raod van Èllef van Vastelaovesvereiniging De Zawpense in Beeg behaag haet óm oos Gawstrèkkers Christian en Sabrina Scheepers-Schrooten oet te rope tot Prinsepaar 2014 van ’t Zawpenseriek van Beeg, Papenhaove en Sjipperskirk.
Dit waor noe sjus ’t pekske wat Christian nog óntbrook.
Al drie kiër waor d’r Käöning: twië kiër van de Gawstrèkkers en eine kiër van sjötterie Eendrach (richtig – die van ’t OLS). Dit alles sjpiëlde zich aaf tösje 2007 en 2009. En noe, vief jaor later, gekróand es Prins van Beeg. En dat is gein degradatie. Kiek ‘m kieke, op de foto hie naeve oet 2008, nao Prins Norbert (saer 2010 Besjermhiër van de Gawstrèkkers). Richtig sjloes, zous te zègke. Mer twië oer later woort Christian opnuuts Käöning en kooste Norbert en Jolanda häöm de króan weer opzètte. Toch zeen ‘m die Prinsepatsj en dae scepter get blieve staeke.
Of hae op deensdig 4 Miërt mit ’t Gawstrèkke weer väör de döbbel wilt gaon, mótte v’r nog efkes aafwachte. Mer ’t zou waal bezunjer zeen: eine Prins mit eine króan!
Res ós ouch nog te felicitere ’t Senioreprinsepaar Peter en Marlies Schoutissen en de Iërezawpens Hermi Smeets. En neet te vergaete De Zawpense. Eine toesj veur de gooj naas die geer höb gehad. Maak ter mit uch alle ein sjóan jaor van. Weer genete mit uch mit.
Op veler verzoek hier de Nederlandse vertaling:
Ganstrekkers juichen: Christian en Sabrina Prinsenpaar 2014 van Grevenbicht. Lieve mensen, de ganstrekkers van Grevenbicht hebben de eer u bekend te maken dat het Vorst en Raad van Elf van carnavalsvereniging De Zawpense uit Grevenbicht heeft behaagd om onze ganstrekkers Christian en Sabrina Scheepers-Schrooten uit te roepen tot Prinsenpaar 2014 van het Zawpensenrijk van Grevenbicht, Papenhoven en Schipperskerk. Dit was uitgerekend het pakje dat Christian nog ontbrak. Reeds drie keer was hij Koning: twee keer van de Ganstrekkers en één keer van schutterij Eendracht (inderdaad – die van het OLS). Dit alles speelde zich af tussen 2007 en 2009. En nu, vijf jaar later, gekroond tot Prins van Grevenbicht. En dat is geen degradatie. Kijk hem eens loeren, op de foto hiernaast uit 2008, naar Prins Norbert (sinds 2010 Beschermheer van de Ganstrekkers). Echt jaloers, zou je zo zeggen. Maar twee uurtjes later werd Christian opnieuw Koning en konden Norbert en Jolanda hem de kroon weer opzetten. Toch zijn die Prinsenmuts en die scepter een beetje blijven steken. Of hij op dinsdag 4 maart met het Ganstrekken weer voor de dubbel wil gaan, moeten we nog eventjes afwachten. Maar het zou wel bijzonder zijn: een Prins met een kroon! Rest ons ook nog te feliciteren het Seniorenprinsenpaar Peter en Marlies Schoutissen en de Erezawpens Hermi Smeets. En niet te vergeten De Zawpense. Een eresaluut vanwege de prima neus die jullie hebben gehad. Maak er met z’n allen een mooi jaar van. Wij genieten met jullie mee.
